Zemra e Charlie Wyke papritmas pushoi së rrahuri dhe qëndroi në vend për katër minuta. Futbollisti i Wigan ishte duke u stërvitur dhe papritmas ra në tokë. Ashtu siç ndodhi me Eriksen. Për t’i shpëtuar jetën ishte trajneri i tij, ai ishte i pari që e shpëtoi duke përdorur defibrilatorin. Wyke ka një defibrilator, lojtari ngre bluzen dhe tregon atë lloj kutie që ka në anën e majtë, nën lëkurë.
“Ishte dita më e frikshme e jetës sime. Unë isha duke u stërvitur normalisht dhe u zgjova në tokë, me uniformën time të grisur dhe pesë anëtarë të stafit që qëndronin sipër meje… As që e dija se çfarë më kishte ndodhur.Absolutisht i shkatërruar. “
Wyke e përdor këtë shprehje për të përshkruar ato minuta të tmerrshme. Gjatë transportit me ambulancë ai ishte mjaft i kthjellët për të kuptuar peshën e situatës. “Ai udhëtim në spital me një ambulancë ishte shumë i frikshëm,” shtoi lojtari. “Kur më thanë se ishte një arrest kardiak, menjëherë mendova se karriera ime futbollistike kishte mbaruar. Ishte e tmerrshme, isha plotësisht i shkatërruar”.
