Kodra Freeriders”: “Adem Avziu drejtori model që ngjall shpresat për ski qendër bashkëkohore”

Më mirë vonë se sa kurrë! Pa hapsirën e ndikimit të faktorit njeri, shkaku i mungesës të të rreshurave të borës, sezoni i skijimit këtë vit nuk ka filluar fare në shumë qendra skijimi në rajon, ndërsa shumë prej tyre edhe kanë shpallur të mbyllur këtë sezon pa e hapur fare. Gjithsesi, Tetova dhe qendra Turistike Kodra e Diellit edhe pse me vonesë, megjithatë do të ketë skijim kjo pasi ditëve të fundit të rreshurat e borës kanë krijuar kushte optimale për përgatitjet e shtigjeve të skijimit sipas standardeve të kërkuara. 

Udhëheqësia e Kodrës së Diellit në krye me drejtorin Adem Avziu gjithmonë në gatishmëri ka pritur çdo ndryshin të motit, derisa shfrytëzuan maksmialisht të rreshurat e borës dhe në kohë rekorde përgatitën pistat e skijimit para se të paralajmëronin se sezoni zyrtarisht hapet të dielën (22.01.2023). 

Edhe pse me pak reshje bore, kemi kohë të shkëlqyer për skijim në Qendrën e Skijimit “Kodra e Diellit”. Të gjithë ski-ashensorët, teleferikët dhe shtigjet e skijimit janë në funksion.

“Sipas paralajmërimeve meteorologjike,  nesër priten kushte të shkëlqyera për skijim.

“Mos harroni, sonte kemi skijim nate. 

Një kombinim perfekt i shtigjeve të përgatitura në mënyrë të përsosur, skijim     nën ndriçim dhe nën reshjet e borës.

E paçmuar…”, thuhet në postimin e drejtorit Adem Avziu në rrjetet sociale. 

E ndërkohë puna e shkëlqyer që po bën Avziu me ekipin e tij prej kur është në punën e drejtorit ka ndryshuar komplet imazhin e Kodrës së Diellit e kjo çdo ditë vlerësohet nga gjitha anët. Mjafton të vizitosh këtë qendër turistike dhe ndryshimet e gjallëria janë evidente. Mbështetje e madhe në këtë drejtim vjen edhe nga grupi “Kodra Freeriders”, çuna tetovarë që po ‘prodhojnë’ punë të jashtëzanshme si në organizimin e aktiviteteve të ndryshme, ashtu edhe në promovimin e kësaj qendre turistike. 

Së fundmi, me rastin e hapjes së sezonit të skijimit, Burim Islami nga “Kodra Freeriders” ka ndarë mirënjohje për Adem Avziun, duke e vlerësuar si njeriun që po bën revulucion në Kodrën e Diellit.

Sot patëm nderin që në emër të organizatës “Kodra Freeriders” t‘ia dorëzojmë mirënjohjen më se të merituar Drejtorit që la më së shumti gjurmë dekadat e fundit dhe i ringjalli shpresat për një ski qendër me standarde botërore, z.Adem Avziu!

Patshim një sezon të mbarë!”, thuhet në postimin e organiztës “Kodra Freeriders”.

Leave a Reply

Your email address will not be published.

Close