Futsal Shkupi stinorin pranveror në elitën e futsalit vendor e ka nisur në mënyrën më të mirë të mundshme. Skuadra kampione në fuqi pa shumë probleme mundi si mysafir Mal Ajaksin me rezultatin 10:3, duke marrë kështu i vetëm kryesimin në renditje me 34 pikë, 3 më shumë se Ciko që të enjten u mund në transfertën ndaj Astibos (6:5).
Ndryshe më të merituar për fitoren e sotme ndaj Mal Ajaks te Futsal Shkupi ishte dyshja Erkan Seferi dhe Erkan Shabani, që së bashku shënuan gjysmën e golave. Bomberi Seferi realizoi “hat-trik”, derisa talenti Shabani shtoi dy gola të tjerë, duke konfirmuar formën e mirë në të cilën ndodhet.
Përveç kësaj dyshe, në listën e golashënuesve u regjistruan edhe Rexhep Sulejmani, Zoran Leveski, Sead Demiri, Ivan Sotirovski dhe portieri Shefki Berisha.
Juventus Serava edhe përkundër disavantazhit 0:4 që kishte përballë Velesit, në fund nxorri një barazim 5:5.
