Gjatë së premtës Qeveria zyrtarisht ka aprovuar planin për të mbajtur Grand Prix Belgjika, pa praninë e tifozëve.
Gara do të zhvillohet në datën e planifikuar, pra 30 gusht, edhe pse në Belgjikë ishin anuluar të gjitha evenimentet deri më 31 gusht.
Por, vendimi i sotëm lejon organizatorët e Spa që të finalizojnë marrëveshjen me F1.
“Ne më në fund kemi marrë dritën e gjelbër nga qeveria, për të organizuar garën”, ka thënë Stijn De Boever.
“Ne tashmë kemi marrëveshjen bazë me F1”, ishin disa nga fjalët e tij.
Formula 1 synon të fillojë sezonin me garën e Austrisë, e cila planifikohet të zhvillohet më 5 korrik.
