Dy futbollistët shqiptarë, Sefer Emini dhe Lirim Qamili, do të punojnë me një trajner të ri te skuadra daneze Sønderjyske.
Klubi danez ka zyrtarizuar emërimin e 34-vjeçarit Fatah Abdirahman në postin e trajnerit kryesor, me kontratë deri në verën e vitit 2030. Abdirahman vjen nga Randers FC, ku ka ushtruar detyrën e ndihmës trajnerit gjatë tre sezoneve të fundit, ndërsa më herët ka mbajtur role të rëndësishme edhe te AGF dhe Right to Dream. Ai do të udhëheqë Sønderjyske në sezonin e ri të Superligës daneze, ku pjesë e ekipit mbeten edhe Emini e Qamili.
