Lufta unifikuese e shumëpritur për titullin botëror në peshën e rëndë midis Tyson Fury dhe Oleksandr Usyk do të zhvillohet në Arabinë Saudite të shtunën.
Fury, britaniku 35-vjeçar, kampion i WBC-së do të përballet me homologun e tij 37-vjeçar ukrainas, Usyk – i cili mban rripat në WBA, WBO, IBF dhe IBO.
Kjo luftë do të zgjatë 12 raunde në eventin e boksit të emëruar si “Ring of Fire në Riad”.
Kur dalin në ring Usyk dhe Fury?
Usyk dhe Fury do të fillojnë ecjen e tyre në ring për ngjarjen kryesore në orën 00:00 pas mesnate mes së shtunës dhe së dielës.
Lufta do të fillojë menjëherë pas kësaj.
Ku zhvillohet lufta Usyk-Fury?
Vendi i meçit është “Kingdom Arena” në kryeqytetin e Arabisë Saudite.
Çfarë duhet të dini për Tyson Fury?
Fury është dy herë kampion bote në peshat e rënda dhe ka qenë boksier profesionist që nga viti 2008. Luftëtari i lindur në Mançester është 2.06 metra i gjatë dhe ka një rekord prej 34 fitoresh, 24 me nokaut dhe asnjë humbje. Ai mban titullin WBC në peshën e rëndë që nga viti 2020.
Çfarë duhet të dini për Oleksandr Usyk?
Usyk, i cili gjithashtu është i pamposhtur, është fitues i medaljes së artë olimpike me Ukrainën, i cili ka luftuar dhe ka fituar 21 ndeshje. Ai aktualisht mban rripat e peshave të rënda në WBA, WBO dhe IBF. Luftëtari i gjatë 1.9 metra ka kaluar kohë në patrullë në shtëpi gjatë luftës së Rusisë kundër Ukrainës.
Për çfarë tituj po luftojnë Fury dhe Usyk?
Ky është meçi që përcakton kampionin e padiskutueshëm në peshën e rëndë që nga viti 1999 kur Lennox Lewis mposhti Evander Holyfieldin.
Fury dhe Usyk po luftojnë për titujt WBC, WBA, WBO dhe IBF.
Pesha e tyre para meçit?
Sot janë bërë matjet zyrtare, kur Tyson Fury ka peshuar 118.8 kg, ndërsa kampioni ukrainas Usyk ka peshuar 105kg.https://platform.twitter.com/embed/Tweet.html?creatorScreenName=Telegrafisti&dnt=false&embedId=twitter-widget-0&features=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%3D%3D&frame=false&hideCard=false&hideThread=false&id=1791532209347653948&lang=en&origin=https%3A%2F%2Ftelegrafi.com%2Fgjithcka-cfare-duhet-te-dini-per-meci-tyson-fury-dhe-oleksandr-usyk-koha-titujt-rekordet-dhe-pesha-e-tyre%2F&sessionId=fb868286360b524f2ce8d5def0ad8597721bbed3&siteScreenName=Telegrafisti&theme=light&widgetsVersion=2615f7e52b7e0%3A1702314776716&width=550px
Sa peshon në të holla kjo luftë?
Paratë e çmimit përfundimtar nuk janë zbuluar dhe do të dihen vetëm pas ndeshjes, por promotori i Furyt, Bob Arum, ka sugjeruar se kampioni britanik do të marrë më shumë se 100 milionë dollarë, rreth 70 për qind të fitimeve.
