Më 4 maj të këtij viti në Leverkusen të Gjermanisë do të zhvillohet eventi i boksit në të cilin klubi “No Limit Boxing” me udhëheqës Bekim Hoxhajn feston 10 vjetorin e themelimit.
Në spektaklin e boksit dhe muzikës ku do të performojnë yje të njohura, do të shënohet jubileu i klubit që po bëhet një vatër e boksierëve në Gjermani dhe jo vetëm. Eventi “10 Years No Limit Boxing” pritet të sjellë ndeshje emocionuese të boksit dhe një performancë live nga superylli gjerman i reperit GZUZ, derisa luftën e dytë në boksin profesionist do ta zhvillojë Leonard Lima.
Boksieri i ri tetovar që më 28 nëntor të vitit 2023 debutoi me fitore në profi boks, me intensitet të shtuar përgatitet për mbrëmjen e 4 majit ku synon të sjellë një tjetër paraqitje pozitive për të vazhduar ngritjen e tij në boksin profesionist.
