Pas zërave për fondin PIF dhe grupe të ndryshme amerikane të përfshira, zërat për një shitje të mundshme të Interit nga familja Zhang nuk zbehen, përkundrazi.
Sipas të përditshmes italiane Libero, në fakt, në orët e fundit, pronësia kineze do t’i kishte dhënë Goldman Sachs një mandat për të gjetur blerës potencialë të interesuar për klubin. Një proces kërkimor që do të niste për këtë arsye me bankën e investimeve amerikane si ndërmjetëse të operacionit, me familjen Zhang duke nisur nga një kërkesë ekonomike prej 1.2 miliardë eurosh.
