Pas publikimit të disa dokumenteve konfidenciale dhe përgjimeve për transferimin e Superkupës së Spanjës në Arabinë Saudite, Gerard Pique ka thirrur menjëherë një konferencë për shtyp, për të shpjeguar se çfarë ka ndodhur me kompaninë e tij të ngjarjeve sportive “Kosmos” dhe të mbrohet nga akuzat.
“Jam shumë krenar për këtë marrëveshje, sepse për futbollin spanjoll është një marrëveshje e rëndësishme, plotësisht e ligjshme dhe për mendimin tim nuk ka konflikt interesi, – shpjegoi mbrojtësi i Barçës, – dhe nuk kam asgjë për të fshehur.”
Pique u shfaq në një konferencë për shtyp drejtpërdrejt në kanalin e tij Twitch, në të cilën ai iu përgjigj të gjitha pyetjeve, që më shumë se 40 media të lidhura, që donin t’i bënin atij në lidhje me incidentin në lidhje me komisionet në Superkupën e Spanjës në Arabinë Saudite, për të cilën kompania e mbrojtësit “blaugranas” ka përfituar gjithsej 24 milionë euro.
“Ajo që nuk do të bëj, është të marr vendime sipas asaj që mendojnë njerëzit, – tha ai. – Nuk kam asgjë për të fshehur. Kjo është arsyeja pse jam këtu dhe nëse është e nevojshme jam këtu deri në tre të mëngjesit. Ne kemi kontakte të shkëlqyera në Lindjen e Mesme dhe njerëzit në Arabinë Saudite na thanë se donin të organizonin ndeshje futbolli në vendin e tyre, – vazhdoi ai.
Duke parë panoramën, vendosëm të bisedonim me Rubiales (president i Federatës Spanjolle të Futbollit) I kërkuam të dimë, nëse Federata Spanjole e Futbollit ishte e interesuar të largonte Superkupën jashtë Spanjës? Dhe nëse po, ne i propozuam “Kosmos” ishte gati të ndryshonte edhe formatin, – përfundoi Piqué. – Në fund të fundit, ishte një sukses”.
