Mbrëmë Spanja triumfoi në finalen e Euro 2024, duke e ngritur lart kupën e Kontinentit të Vjetër 12 vjet pas herës së fundit: është rasti i tretë në shekullin e njëzet e një që “La Roja” e fiton turneun. Me pak fjalë, nëse thua Europian vitet 2000 thua Spanjë.
Mbrëmë, përfaqësuesja e trajnerit De La Fuente kontribuoi, ndoshta pa e ditur apo kuptuar, për të zgjatur një seri që nënvizon se si gara më e lartë për ekipet kombëtare në Evropë ka një emërues të përbashkët në Evropën Jugore dhe vendet që hyjnë në të: të aftë për të dominuar turneun.
Po, sepse fitorja e fundit në një kampionat evropian nga një vend që nuk është nga Evropa Jugore daton në vitin 1996, kur Gjermania triumfoi përballë Republikës Çeke.
Prej atij momenti, një dominim i kombeve mesdhetare, i inauguruar nga Franca në 2000 dhe i çuar përpara nga Greqia befasuese katër vjet më vonë, përpara se t’i linte vendin triumfit të dyfishtë spanjoll midis 2008 dhe 2012. Më pas Portugalia në 2016, Italia tre vjet më parë dhe tani Spanja, përsëri. Për pjesën tjetër, nga Evropa Qendrore në vendet e Veriut, kishte vend vetëm për të parë dhe për të duartrokitur fituesit. Që ishin të tjerët. Anglia, e mundur në dy finalet e fundit, e di mirë këtë.