Sulejman Abduli, Almir Cakolli, Betim Iseni dhe Aleksander Angelkovski janë anëtarë të ri të KF Arsimi nga Çegrani.
Arsimi i Çegranit vazhdon përgatitjet intensive për sezonin e ri në Ligën e Dytë të futbollit në Maqedoninë e Veriut.
Duke zhvilluar finesat e fundit para startit të garave verdhezinjtë kanë komunikuar angazhimin e 4 futbollistëve të rinjë.
Mesfushori anësorë Sulejman Abduli, mesfushorët Almir Cakolli e Betim Iseni, si dhe portieri Aleksander Angelkovski janë aktivizimet e reja të Arsimit.
Sulejman Abduli është mesfushorë anësorë i talentuar që është rritur tek akademija e Shkëndijës, më pas një periudhë të shkurtër tek akademia e Winterthur, ndërsa së fundmi ka qenë pjesë e juniorëve të Renovës. Cakolli është rritur tek akademija e FC Shkupit, më pas ka pasur një eksperiencë një vjeçare me BVK Konjaren. Betim Iseni është rritur tek akademija e FC Shkupi, ndërsa portieri Angelkovski ka kaluar gati se të gjithë grupmoshat e reprezentacionit vendor, edhe atë ka qenë pjesë e U19, U20, U21, ndërsa ka pasur ekspericena pozitive me Renovën në ligë të parë, si dhe ekipin e KF Gostivarit dhe Teteksit në Ligën e Dytë.
