Rëmujë ndryshimesh te Shkëndija që kanë sjellë edhe pak paqartësi në media e opinion.
Dje Shkëndija u nda me trajnerin Artim Shaqiri, sot pasi u konfirmua shitja e Leard Sadriut te Mura sllovene, erdhi konfirmimi i paralajmëruar se Zamir Dika është president i ri dhe Harun Isa drejtor sportiv. Ibrahim Osmani dhe Skender Jonuzi gjithashtu u prezantuan si asistentë të Isa-s në departamentin sportiv.
Lajmi që mbeti pa publikuar e që paralajmërohej ishte se Qatip Osmani do të kthehet si trajner në pankinën e Shkëndijës. Informacione të Sportmania-s thonë se megjithatë nuk do të ndodh kthimi i Qatip Osmanit te kuqezinjtë. S’dihet arsyeja e ”krisjes” apo pishman bërjes, por tani Qato duket larg klubit ku doli tre herë kampion.
Me situatën e re, hapet punë shtesë për ”treshen” e departamentit sportiv të Shkëndijës, Isa, Osmani e Jonuzi, që detyrë parësore duket ta kenë gjetjen e trajnerit të ri që do të vijojë punën e nisur nga Artim Shaqiri.
Nuk dihet nëse mbetet opsion për pankinën vetë Skender Jonuzi, apo ndonjë emër tjetër që do jetë në ”radarin” e kuqezinjëve që 24 orët e fundit “prodhuan” tërmet të vërtetë në ekip dhe opinion.
