Real Madridi, përveç se është një prej ekipeve më të trofeshme në histori të futbollit, tani ka thyer një tjetër rekord.
Një deklaratë zyrtare konfirmon se “Madrilenët” kanë tejkaluar 1 miliard euro në të ardhura për sezonin 2023/24.
Kjo e bën Realin ekipin e parë futbollistik që arrin këtë shifër rekorde të të ardhurave.
Marketingu përbën pjesën më të madhe të të ardhurave, e ndjekur nga të ardhurat e gjeneruara nga stadiumi i modernizuar, të ardhurat nga televizioni dhe garat ndërkombëtare, si dhe ndeshjet miqësore.
Kjo shifër ishte 27 për qind më e ulët vitin e kaluar, ku klubi arriti të ardhura prej 843 milionë për sezon.
