Ole Gunar Solskjaer zbulon se çfarë ndodhi në klub tre vjet më pare, kur Kristiano Ronaldo bëri një rikthim të bujshëm në “Old Trafford”. Bëhet e ditur se atëherë për portugezin ishte i interesuar edhe Man. Siti, negociatat ishin në një fazë të avancuar, por me insistimin e Aleks Fergusonit, “Djajtë e Kuq” u përfshinë në proces dhe e sollën në radhët e tyre.
Solskjaer pretendon se drejtuesit kanë arritur në përfundimin se nuk duhet të lejojnë që Ronaldo të kalojë te Siti për shkak të imazhit dhe cilësisë së kundërshtarit.
“Kristiano është një nga futbollistët më të mirë në 15 vitet e fundit. Kam luajtur me të, ai ka një histori te Man. Junajtedi. Ai po largohej nga Juventusi dhe ne nuk mund ta linim të shkonte në Man. Siti, sepse atje ai ndoshta do të shënonte më shumë gola se sa Haaland tani. Mendoj se ardhja e tij prishi dinamikën në dhomën e zhveshjes, disa lojtarë u ndjenë më pak të rëndësishëm”, tha Solskjaer.
Ai ishte trajner kur Ronaldo u bashkua me Man. Junajtedin, por u shkarkua shpejt. Ai u zëvendësua nga Ralf Rangik dhe ai filloi një luftë me portugezët që kulmoi me ardhjen e Erik Ten Haag. Eksperti holandez nuk i trembej autoritetit të Ronaldos, e linte shpesh në pankinë për lojtarë rezervë, ndaj mes tyre pati një konflikt të madh që çoi në largimin e superyllit dhe ajo intervistë e stuhishme që tronditi rëndë Man. Junajted.
