Skuadra e Tiranës sonte do të vihet përballë Beshiktashit në Stamboll në ndeshjen e parë të turit të dytë eliminatorë në Ligën e Konferencës. Pas suksesit ndaj Dinamo Batumit në Gjeorgji, skuadrën e Tiranës e pret një sfidë e vështirë përballë gjigandëve turk. Tekniku Orges Shehi ka vendosur që të luaj me të njejtin formacion që luajti në Gjeorgji edhe sonte ndaj Beshiktashit, ku në sulm do të jenë Latifi, Abazaj dhe Hasani. Ndeshja ndërmjet Beshiktashit dhe Tiranës do të zhvillohet sonte në “Vodafon Arena” të Stambollit, duke nisur nga ora 20:00, përderisa takimi i kthimit, aty ku do të vendoset edhe kualifikuesi për në xhiron e tretë luhet pas një jave në Shqipëri.
