Presidenti i Real Madridit, Florentino Pérez, u shfaq në mediat zyrtare të skuadrës së bardhë, pasi mësoi vendimin e GJED-së, duke folur për monopolin e UEFA-s dhe FIFA-s dhe më pas hapet rruga drejt krijimit të Superligës Evropiane.
“Real Madrid mirëpret me kënaqësi të madhe vendimin e miratuar nga Gjykata e Drejtësisë e Bashkimit Evropian, e cila është përgjegjëse për garantimin e parimeve, vlerave dhe lirive tona. Nga sot klubet do të jenë zotër të fatit të tyre”.
Në ditët në vijim do të studiojmë me kujdes shtrirjen e kësaj rezolute, por unë parashikoj dy përfundime me rëndësi të madhe historike. Së pari, se futbolli evropian i klubeve nuk është dhe nuk do të jetë më kurrë monopol. Dhe së dyti, që nga sot klubet do të jenë zot të fatit të tyre. Klubet e shohin plotësisht të njohur të drejtën tonë për të propozuar dhe promovuar garat evropiane që modernizojnë sportin tonë dhe tërheqin tifozë nga e gjithë bota. Me pak fjalë, sot ka triumfuar sërish Europa e lirive dhe sot ka triumfuar edhe futbolli dhe tifozët e tij.
Ashtu si gati shtatëdhjetë vjet më parë hodhëm një hap themelor në historinë e futbollit me krijimin e Kupës së Europës, sot kemi edhe një herë detyrën dhe përgjegjësinë t’i japim futbollit europian shtysën e re që i nevojitet aq shumë. Dhe për ta arritur këtë, ne do të vazhdojmë të mbrojmë një projekt modern, plotësisht të përputhshëm me garat kombëtare, të hapur për të gjithë, bazuar në meritat sportive dhe që do të imponojë efektivisht respektin për lojën e ndershme financiare. Një projekt që do të sjellë qëndrueshmëri ekonomike për të gjitha klubet dhe që mbi të gjitha do të mbrojë lojtarët dhe do të emocionojë tifozët në mbarë botën”.
