Sir Aleks Ferguson ishte përgjegjës për disa nga nënshkrimet më të mira në historinë e Ligës Premier gjatë një periudhe të mbushur me trofe në “Old Trafford”, por në raste të çuditshme, ai nuk arriti të merrte lojtarin e kërkuar. Skocezi legjendar diskutoi një sërë objektivash transferimi që ai u përpoq dhe dështoi për të nënshkruar për Man. Junajted në librin e tij më të shitur ‘Leading’.
Nën një seksion të titulluar ato që u larguan, Ferguson flet për ndjekjen e dështuar të sulmuesit të atëhershëm të Marsejës, Didier Drogba, i cili vazhdoi të bëhej një lojtar i madh i Çellsit.
“Shkuam për ta kontrolluar, por klubi donte 25 milionë funte dhe Çellsi u fut përpara se ne të kishim vendosur”, tha Ferguson, i cili më vonë do të nënshkruante me një adoleshent si Uejn Runi për 27 milionë funte.
Petr Çeh ishte një tjetër lojtar i ardhshëm i Çellsit, i cili më parë ishte në radarin e Fergusonit, por pati një pengesë.
“Shkova ta shoh atë në vitin 2003 për Ren. Ne menduam se Petr ishte pak i ri për Premier Ligën”, ka shkruar Ferguson.
Pesë lojtarë të tjerë që shfaqen në librin e Fergusonit.
Tomas Muller: “Ai ishte një dhjetëvjeçar kur dëgjuam për të. Ne e patëm atë dhe të nesërmen ai u angazhua për Bajern Munih”.
Ronaldo Nazario: “Ne donim të nënshkruanim me sulmuesin brazilian nga Kruzeiro në vitin 1994, por nuk mundëm të merrnim një leje pune dhe ai shkoi në PSV Aindhoven”.
Serhio Aguero: “Agjenti i tij po kërkonte një çmim që ne nuk ishim të përgatitur ta paguanim”.
Lukas Moura: “Ne ofruam 35 milionë funte, por Paris Saint-Germain e nënshkroi atë për 45 milionë funte”.
Rafael Varane: “Në vitin 2011, u futa në Lens. Zinedine Zidan e mori vesh këtë dhe disi e mori atë për Real Madrid”.
