Dëmtimi i Paul Pogba-s dhe operacioni i tij i mëvonshëm janë një problem i madh për Juventusin, por jo vetëm. Duke pasur parasysh kohën e rikuperimit të francezit, bardhezinjtë vështirë se do ta kenë në dispozicion deri në momentin kur të përfundojë kampionati Botëror në dhjetor.
Si për rrjedhojë, Deschamps do ta gjente veten edhe me një lojtar që mund ta ketë kapërcyer problemin e gjurit, por në një formë jo optimale. Por kjo nuk duhet të ndryshojë mendjen e trajnerit transalpin, i cili sipas asaj që raporton L’Equipe synon të grumbullojë Pogba-n në Katar.
Disa shembuj të ngjashëm…
Një vendim që sigurisht do të debatohej, si shumë të tilla që merren në raste të ngjashme para turneve të mëdhenj. Zgjedhja e Anglisë për të pritur deri në minutën e fundit për një Rooney jo në formë të mirë në vitin 2006 ishte e paharrueshme. Megjithatë, në të njëjtin vit, Lippi sjell me vete një Francesco Totti, i cili ende ishte pothuajse në rikuperim dhe kapiteni i Romës rezultoi thelbësor në arritjen e fitimit të Kupës së Botës.Prandaj, mund të ndodhë gjithashtu që Deschamps të vendosë të sjellë një Pogba në gjysmë forme, me shpresën se ekipi i tij do të shkojë aq larg sa të lejojë mesfushorin për të qenë i dobishëm më vonë në turne.
Marrëdhënia e veçantë me Deschamps…
Thirrja e Pogbas në fakt do të ishte për dy arsye. E para është … numerike, në kuptimin që duke pasur parasysh natyrën e jashtëzakonshme të turneut dhe vendndodhjen e tij brenda sezonit, trajnerët do të lejohen të grumbullojnë 26 lojtarë. Prandaj, përfshirja e lojtarit të Juventusit në listë, edhe nëse jo në krye, nuk do të ishte një problem kaq i madh. L’Equipe shpjegon gjithashtu se ekziston një marrëdhënie e veçantë. Dhe kështu Pogba do të jetë atje në Kampionatin Botëror, edhe nëse gjuri do ta detyrojë atë … të veprojë si një spektator që nuk paguan!
