Rabotniçki dëshiron të hapë një faqe të re duke filluar me duelin e sotëm kundër Tikveshit, i cili do të luhet në kompleksin e FFM-së nga ora 13:30. Romantikët kanë fituar vetëm shtatë pikë pas 11 javëve të para dhe janë në pozicionin e parafundit, ndërsa deri më tani kanë arritur vetëm një fitore.
“Jemi të vetëdijshëm për pozicionin në të cilin ndodhemi dhe duhet të fillojmë menjëherë të kërkojmë një rrugëdalje. Duam të hapim një faqe të re dhe besojmë se ndeshja e sotme kundër Tikveshit do të jetë fillimi i një serie pozitive. Nuk është sekret që duam tri pikët, sepse deri më tani kemi fituar shumë pak në raundin e parë të kampionatit. Tikveshi mund të jetë në një situatë të ngjashme, por ne besojmë në cilësitë tona dhe më në fund duhet të tregojmë shumë më tepër në fushë”, thotë Demir Imeri, i cili shënoi një gol të mrekullueshëm në ndeshjen e mëparshme kundër Arsimit.
“Nuk ka rëndësi kush shënon, gjëja më e rëndësishme është të fitojmë pikët dhe të ecim përpara”, tha mesfushori i Rabotniçkit.