Kampioni i Kosovës, Ballkani i Suharekës sonte në Çeki luan ndeshjen e dytë në pjesëmarrjen e parë dhe historike në fazën e grupeve të Europa Conference League.
Suharekasit do të kenë përballë skuadrën çeke, Slavia Prague, në kuadër të grupeve të Conference League, përcjell lajmi.net.
Kosovarët e nisën aventurën në Conference League me një barazim ndaj Cluj, kurse tani kërkojnë fitoren e parë në këtë garë.
Baras në ndeshjen e parë ka luajtur edhe Slavia Prague, që përabllej me Sivasspor.
Grupi G i Conference League, ku luan edhe Ballkani, duket njëjtë në aspektin e pikëve, me të gjitha skuadrat që numërojnë një pikë.
Mbetet të shihet nëse sonte do të bëhet diferenca mes këtyre dy skuadrave. Slavia Prague dhe Ballkani përballen me fillim nga ora 18:45.
