Arsimi pret Bashkimin në një ndeshje nga xhiroja e 12-të në elitë. Ndeshja në Gostivar sjell interes shtesë sepse është një takim midis dy ekipeve që e njohin mirë njëra-tjetrën dhe gjithmonë ofrojnë përballje emocionuese.
Sulmuesi i Arsimit, Alban Taipi, shprehu gatishmërinë dhe motivimin e tij përpara ndeshjes së sotme.
“Presim një derbi të vërtetë. Po luajmë kundër një skuadre cilësore që ka virtytet e veta, por jemi gati dhe do të bëjmë çmos për të ruajtur ritmin pozitiv. Kemi punuar shumë gjatë javës dhe besoj se me qasjen e duhur mund të arrijmë një tjetër fitore para tifozëve tanë”, ka thënë Alban Taipi.
Ekipi i Arsimit do të përpiqet të vazhdojë serinë e mirë dhe të fitojë pikë të reja, ndërsa ndeshja kundër Bashkimit pritet të sjellë një atmosferë të shkëlqyer futbolli në tribuna. Ndeshja do të luhet në stadiumin e qytetit në Gostivar, duke filluar nga ora 13:30.