Ndeshjet e sotme çerekfinale në NBA kanë dhuruar shumë befasi, teksa janë mundur dy ekipet që u renditën në vendin e parë në Konferencat përkatëse: Milwaukee dhe Lakers.
Milwaukee u mund 122-110 nga Orlando, ndeshje e dominuar dhe fituar me meritë nga Magic. Antetokounmpo realizoi 31 pikë e 17 rebound, por që s’mjaftuan për të evituar humbjen. Për Orlando u dallua Vucevic, që realizoi 35 pikë e 14 rebound.
Zhgënjejnë edhe Lakers, që u mundën 100-93 nga Portland, skuadra që u kualifikua në çerekfinale pas ndeshjes shtesë. Lakers luajtën dobët, u përpoqën ta kthejnë ndeshjen në favorin e tyre në fund, por pa sukses.
LeBron realizoi një “triple double” (23 pikë, 17 rebound e 16 asist), Davis 28 pikë, por që mbetën për statistikë. Lillard me 34 pikë ishte lider për Portland në këtë fitore.
Në dy ndeshjet e tjera çerekfinale të luajtura sot, Oklahoma mposhti 123-108 Houston, një tjetër rezultat surprizë. Gallinari me 29 pikë ishte më i miri për Thunder. Fiton edhe Miami, që mundi 113-101 Indiana, sfidë ku u dalluan Butler me 28 pikë e Dragic me 24.
Konferenca e Lindjes, – Çerekfinale play off
Milwaukee – Orlando, 110-122 (0-1)
Toronto – Brooklyn, (1-0)
Boston – Philadelphia, (1-0)
Miami – Indiana, 113-101 (1-0)
Konferenca e Perëndimit, – Çerekfinale play off
Lakers – Portland, 93-100 (0-1)
Clippers – Dallas, (1-0)
Denver – Utah Jazz, (1-0)
Houston – Oklahoma, 108-123 (0-1)
