Trajneri i Man. Junajtedit, Ruben Amorim ka përpiluar një listë të ngushtë me katër sulmues për afatin aktual të transferimeve. Ai ka prioritet pozicionet e mbrojtësit të majtë dhe sulmuesit për përforcimin në janar.
Junajtedi tashmë po punon për nënshkrimin e Patrik Dorgu nga Leçe për krahun e majtë të mbrojtjes, me transferim e vlerësuar midis 25-34 milionë funtesh. Nëse Junajted ndahet me Alejandro Garnaço (për të cilin Napoli është i interesuar), Markus Rashford (i cili kërkohet nga shumë klube) ose Kobie Maino para mbylljes së afatit kalimtar të dimrit, klubi mund të përballojë gjithashtu të nënshkruajë me një sulmues.
Amorim ka përgatitur tashmë një listë të ngushtë për këtë skenar, e cila përfshin Brajan Mbeumo nga Brentfordi, Mateus Kunja nga Volverhemptonin, Liam Delap nga Ipsuiç Taun dhe Xhonatan David nga Lille.
Skautët e Junajtedit kanë përpiluar dosje të detajuara për të gjithë këta sulmues.
Ndryshe nga tre të tjerët, Davidit i mungon përvoja në Premier Ligën, por ai mund të jetë në dispozicion me një çmim të reduktuar për shkak të kontratës së tij që skadon në fund të sezonit.
