Lionel Messi nuk mundi t’i mbante lotët kur u pyet, se si ndihej kur u brohorit nga turma, e cila vazhdoi të bërtiste emrin e tij, në fushë në ‘Bombonera’, pasi Argjentina mposhti Venezuelën (3-0), në një ndeshje të kualifikueset për Kupën e Botës në Katar.
“Mendoj se ishte momenti më i bukur i karrierës sime sportive”,- është shprehur shënuesi dhe ylli argjentinas në dokumentarin e Netflix: “Be Eternal: Champions of America” (Bëhu i përjetshëm: Kampionët e Amerikës), pa mundur t’i mbajë lotët.
Stadiumi i Boca Juniors është një nga tempujt e futbollit botëror dhe ovacionet që tifozët argjentinas i kushtuan yllit të tyre u gdhendën përgjithmonë në zemrën e Messit. Në atë fitore ndaj ekipit të Venezuelës, ku Messi përfundoi duke shënuar golin e tretë për të përfunduar një lojë të shkëlqyer.
