Skuadra e Barcelonës pak ditë më parë shkarkoi trajnerin Ronald Koeman shkaku i rezultateve të dobëta, shkruan lajmi.net.
Tani vendin e Koeman te Barça do ta zë ish-futbollisti Xavi Hernandez.
Klubi spanjoll përmes një njoftimi kanë bërë të ditur se kanë arritur marrëveshje tre-vjeçare me Xavin që të jetë në krye të ekipit deri në qershor të vitit 2024.
Është ky një rikthim i spanjollit pasi më parë ishte pjesë e ‘Blaugranëve’ si lojtar, ndërsa tani do të kthehet si trajner i tyre.
Xavi do të arrijë në Barcelonë këtë vikend, ndërsa do të prezantohet si trajner i ri i klubit të hënën.
Gjatë karrierës si futbollistë ai ka fituar shumë trofe me Barçën, ndërsa tani një gjë të tillë synon ta bëjë edhe si trajner. /Lajmi.net/
Xavi Hernández returns home 6 years after his goodbye from Camp Nou
— FC Barcelona (@FCBarcelona) November 6, 2021
