Club Brugge u shpall zyrtarisht kampion i Belgjikës të premten pasi Pro League konfirmoi vendimin e muajit të kaluar për të shpallur të përfunduar sezonin.
Brugge kishte epërsi prej 15 pikëve para përfundimit të sezonit të rregullt dhe do të kualifikohet për në Ligën e Kampionëve sezonin e ardhshëm.
Ky ishte titulli i tretë në pesë sezonet e fundit për klubin belg.
Belgjika ishte vendi i parë në Evropë që përfundoi sezonin e futbollit vetëm disa javë pas pezullimit të tij në mes të marsit, por ai vendim i marrë nga bordi i Pro League ende duhej të ratifikohej nga klubet, të cilët e bënë këtë në asamblenë e përgjithshme të së premtes.
Club Brugge e konfirmoi vendimin përmes një postimi në Twitter.
Waasland-Beveren e pëson më keq, pasi vitin e ardhshëm luan një ligë më poshtë.
