Pas rastit tragjik në Minneapolis të ShBA-ve, ku një polic i mori jetën George Floyd, protesta të mëdha nëpër glob kanë nisur, me moton ‘Black Lives Matter’.

Në këtë fushatë janë përfshirë edhe sportistët e njohur dhe së fundmi disa komente ka dhënë Raheem Sterling, i cili beson se racizmi është e vetmja sëmundje që duhet luftuar.
“E di se kjo mund të tingëllojë keq, por sëmundja e vetme të cilën po e luftojmë tani është racizmi”, ka thënë Sterling.
“Kjo është gjëja më e rëndësishme për momentin, sepse kjo është çfarë po ndodhë tash e disa vite. Sikur për pandeminë, ne duam zgjidhje edhe për racizmin”, ka shtuar anglezi.
Raheem Sterling ishte lojtari që përjetoi tmerrin në Podgoricë, kur Anglia përballej me Malin e Zi. Tifozët malazezë fyenin lojtarin e ‘Tre Luanëvë’ në baza racore.

