Mbrojtësi i krahut të Man. Junajtedit, Noussair Mazraoui, do të mungojë për disa ndeshje, pasi i është nënshtruar një operacioni në zemër.
Arsyeja? Aritmia kardiake e theksuar gjatë ndeshjes së fundit të luajtur nga “djajtë e kuq” në Birmingham dhe barazimit 0-0 ndaj Aston Villa. Lojtari maroken u detyrua të largohej nga fusha gjatë pushimit.
Operacioni, zbulojnë burime pranë klubit, u krye me sukses. Të gjithë janë të bindur se 27-vjeçari do të jetë në gjendje të rikthehet së shpejti në fushë, duke qenë se patologjia e gjetur është mjaft e zakonshme.
Mazraoui mbërriti në Premier Ligë nga Bajern Munihu në verë, së bashku me ish-mbrojtësin qendror të Juventusit, Mattjs De Ligt. Ai ka nënshkruar një kontratë 4-vjeçare me “Djajtë e Kuq”. Këtë sezon ai është aktivizuar në 10 ndeshje nga trajneri Ten Hag (7 në Premier Ligë).
