Rang-lista më e re e FIFA-s e publikuar nuk ka sjell ndryshime për përfaqësuesen e Maqedonisë së Veriut.
Në muajin e parë të këtij viti, përfaqësuesja e vendit nuk ka bërë asnjë lëvizje dhe vazhdon të qëndrojë në pozitën e 68-të. Ndryshime nuk ka pësuar as Kombëtarja e Shqipërisë që vazhdon të mbajë pozitën e 66-të, ndërsa Kosova renditet e 115-ta.
Sa i përket vendeve të para, vazhdon të kryesojë Belgjika, duke lënë pas vetës Francën, Brazilin, Anglinë dhe Uruguain. Top 10-shja kompletohet me Kroacinë, Portugalinë, Spanjën, Argjentinën dhe Kolumbinë.
