Meqenëse fillimi i Kampionatit është shtyrë nga mesi i marsit në fillim të korrikut për shkak të pandemisë Covid-19, të ardhurat e F1 janë logjikisht në rënie në krahasim me sezonin 2019.
Liberty Media tha të hënën se Grupi F1 kishte gjeneruar 20 milionë euro në tremujorin e dytë të vitit 2020, kundrejt të ardhurave 527 milionë euro në të njëjtën periudhë të vitit të kaluar, një rënie prej 507 milionë euro, përcjell lajmi.net.
Në nivelin e bilancit, kurba kthehet: 116 milionë euro humbje kundrejt 12 milionë euro të fitimeve në vitin 2019.
“Asnjë garë nuk kishte ndodhur gjatë tremujorit të dytë të vitit 2020, të ardhurat ishin të kufizuara”, shpjegon pronari amerikan i F1. /Lajmi.net/
