Klubi anglez, Liverpulli thuhet se i ka ofruar mbrojtësit të talentuar, Konor Bredli, një rritje të pabesueshme page për rinovimin e kontratës. Sipas “The Sun”, Bredit i është ofruar një kontratë e re pesëvjeçare gjatë negociatave të fundit me drejtuesit e Liverpullit. 21-vjeçari është bërë një rezervë e besueshme për Trent Aleksander-Arnold, i cili ka pësuar lëndime të shumta këtë sezon. Reprezentuesi i Irlandës së Veriut vlerësohet shumë nga trajneri i ri i Liverpullit, Arne Slot.
Pavarësisht nënshkrimit të kontratës së tij të mëparshme vetëm 15 muaj më parë, klubi është i etur për të siguruar të ardhmen e tij për të paktën pesë vjet të tjera. Marrëveshja e re e ofruar përfshin një pagë javore prej rreth 75,000 funtesh, një rritje e konsiderueshme nga 10,000 funte që fiton aktualisht.
Nëse marrëveshja përfundon, 21-vjeçari do të fitonte më shumë se Ibrahima Konate dhe Luis Diaz.
Negociatat po zhvillohen pasi e ardhmja e Alexander-Arnold në Liverpool mbetet e pasigurt, me kontratën e tij që skadon në fund të sezonit aktual. 26-vjeçari ka qenë i lidhur shumë me një kalim te Real Madrid, pasi të përfundojë marrëveshja e tij. Zhvillimet e fundit me Bradlin mund të thjeshtojnë kërkimin e Liverpullit për një zëvendësues në skuadrën e Arne Slotit, sezonin e ardhshëm.
Deri më tani këtë sezon, Bredli ka bërë 22 paraqitje për Liverpullin në të gjitha garat, duke dhënë dy asistime.
