Bajern Munih ka arritur marrëveshje për 10 milionë euro, duke përfshirë edhe bounset, për transferimin e portierit të Koln, Jonas Urbig, sipas Sky Germany. 21-vjeçari gjerman ka vetëm edhe 18 muaj të mbetur në kontratën e tij me klubin që bën gara në kategorinë e dytë të futbollit gjerman.
Ai do të nënshkruajë një kontratë pesë vjeçare me Bayernin të vlefshme deri në vitin 2030. Urbig, i cili kaloi sezonin e kaluar në huazim tek Greuther Furth, ka luajtur në 11 ndeshje në të gjitha garat, duke i bërë konkurrencë Billy Goats këtë sezon.
Bajern Munihu në ndërkohë ka bërë tri përpjekje për transferimin e Urbig, i cili tashmë do të jetë pasues i Neuerit. Drejtuesit e klubit pritet që ta shesin portierin Sven Ulreich i cili nuk bën pjesë më në planet e tyre, teksa Daniel Peretz do të mbetet pjesë e tyre.
Gjiganti bavarez e vlerëson Urbig si zëvendësuesin afatgjatë të Manuel Neuer, pasi kontrata e këtij të fundit skadon në 2025. Sipas një raportimi nga Florian Plettenberg, Urbig do t’i nënshtrohet testeve mjekësore gjatë 24 orëve të ardhshme.
