Trajneri i Barcelonës, Hansi Flik ka dalë në konferencën për shtyp para gjysmëfinales së Superkupës së Spanjës kundër Bilbaos sonte në mbrëmje në Arabinë Saudite. Ai ka folur për mjaft tema, por natyrisht që e gjithë vëmendja ka qenë te situata e dyshes Dani Olmo e Pau Viktor që nuk janë federuar ende dhe me shumë gjasa nuk do të jenë gati as për finalen nëse Barcelona arrin të kualifikohet.
Trajneri gjerman nuk e ka fshehur shqetësimin e tij për mungesën e dy lojtarëve. “Janë dy lojtarë të shkëlqyer dhe ne do ta ndiejmë mungesën e tyre”, tha Flik, duke shpresuar në një zgjidhje të shpejtë të këtij ngërçi.
Çfarë ndeshje prisni kundër Bilbaos? Të luash kundër Bilbaos është gjithmonë e vështirë. Është një ekip shumë i mirë, ka lojtarë shumë të mirë dhe një filozofi shumë të qartë loje. Është kënaqësi t’i shohësh duke luajtur. Ata kanë lojtarë shumë të shpejtë. Do të jetë një ndeshje shumë e bukur.
A mendoni se Dani Olmo apo Pau Viktor do të luajnë në këtë turne? Nuk mendoj se ndonjëri prej tyre do të luajë kundër Bilbaos. Por do të presim. E vetmja gjë që mund të bëjmë tani është të presim. Kjo është situata në të cilën ndodhemi.
Jeni në një situatë të pakëndshme për shkak të çështjes “Olmo”? Siç e thashë edhe më parë, nuk është aq e lehtë për ne që të mos kemi dy lojtarë shumë të rëndësishëm. Dani Olmo është një lojtar i shkëlqyer, sigurisht që na mungon. Por ne duhet të vazhdojmë. Sigurisht që do të ndikojë tek ne, por kjo do të na japë mundësinë të jemi më të bashkuar si ekip. Duhet të tregojmë se jemi të titllë.
Keni fituar një tripletë trofesh në pandemi. A keni marrë ndonjë mësim për një situatë tjetër të vështirë si kjo? Nëse po, them gjithmonë po (buzëqesh).
A mendoni se kjo situatë mund të ndikojë në lojtarë të tjerë që mund të nënshkruajnë për Barçën? Nuk e di. Ajo që mund të them është se ne e dimë se si është situata dhe sa i madh është ky klub. Është e shkëlqyer të jesh në gjendje të punosh me njerëz të tillë.
Çfarë do të thotë të fitosh Superkupën e Spanjës? Ndjej se skuadra është gati dhe ka forcën të fokusohet vetëm në këtë. Duhet të fokusohemi te ndeshja kundër Bilbaos dhe ta fitojmë atë. Në fund të fundit, kur fitojmë tituj është shumë e rëndësishme për ne dhe do të thotë shumë. Jemi gati ta tregojmë këtë duke zhvilluar një ndeshje shumë të mirë.
