Reprezentuesit e përfaqësueses së Maqedonisë së Veriut në futboll janë grumbulluar sot në Shkup për dy ndeshjet kontrolluese që do ti luajnë kundër Azerbejxhanit dhe Finlandës. Për këto dy sfida, seleksionuesi Bllagoja Milevski është detyruar të bëjë sërish ndryshime në kuadrin e futbollistëve për shkak lëndimeve. Aleksandar Trajkovski dhe Milan Ristovski nuk do të jenë në kombinim për këto dy ndeshje, përderisa Milevski çoi ftesë shtesë për Mirçevskin dhe Babunskin. Për këto dy ndeshje në përfaqësuese e vendit kthehet edhe sulmuesi Ilija Nesterovski. Duelin e parë përfaqësuesja e Maqedonisë e luan me Finlandën me 17 nëntor, ndërsa tre ditë më vonë përballet me Azerbejxhanin. Të dyja takimet do të luhen në arenën “Todor Proeski” në Shkup.
