Barcelona raportoi pas ndeshjes së fituar 4-0 me Bilbaon se Sergi Roberto ka pësuar një dëmtim serioz në shpatullën e majtë (i ka dalë nga vendi), në minutat e fundit të takimit. Rikthimi i tij në fushë do të varet nga ecuria e riaftësimit.
Klubi “blaugrana” nuk ka dhënë një datë të saktë për rikthimin e lojtarit nën urdhrat e Xavit, por gjithçka tregon se ai do të mungojë një deri një muaj e gjysmë.
Kjo do të thotë se Sergi Roberto nuk do të mund të ketë minuta në këmbë para përfundimit të Botërorit “Katar 2022”.
