Shkupi ditën e sotme zyrtarizoi rikthimin e Goce Sedlloskit në pankinë si dhe Arben Nuhiun si ndihmësin e tij. Ndërkohë në prezantimin e dy teknikëve, ishte edhe Suat Alija, që rikthehet në pozitën e kryetarit të klubit bardheblu.
Mirëpo, nga burime jozyrtare, mësohet se te Shkupi do të rikthehet edhe sponsori që ishte më herët. Bëhet fjalë për “ATS Group” e drejtuar nga Shefshet Demiri.
Mbetet të shihet nëse këto zëra do gjejnë edhe konfirmim ditëve në vijim, kur pritet një riorganizim brenda skuadrës nga Çairi.
