Gjatë javës së kaluar, kampionati francez kishte vendosur t’i jap fund sezonit 2019/20, duke shpallur edhe kampionët, skuadrat që garojnë në Evropë dhe skuadrat që shkojnë në Ligue 2.
Në mesin e skuadrave të rëna nga liga është edhe ajo e Amiens, që tashmë po synon të kontestojë vendimin.
Sipas raportimeve të ‘Sky Sports News’, Amiens kanë nisur një peticion, ku bëjnë thirrje që PFL të rishikojnë vendimin për fundin e mëhershëm të Ligue 1, transmeton lajmi.net.
Një peticion i tillë vështirë se do të merret parasysh. Ankesa ka pasur edhe nga skuadra e Olympique Lyon, të cilët insistonin se do ta apelojnë vendimin në gjykatë.
Ministrja e sportit në Francë asokohe jepte një përgjigje të thjeshtë. “Nëse doni gjykatë, shkoni në gjykatë”. /Lajmi.net/
