Ndërsa klubet diskutuan propozimet për ta përfunduar këtë sezon pa tifozë në ambiente neutrale, ata gjithashtu kanë filluar të marrin në konsideratë që edhe sezoni 2020/21 të vazhdojë njësoj.
Klubet presin që futbolli të kthehet në normale vetëm kur ekziston një vaksinë e koronavirusit. Shumica e ekspertëve besojnë se një vaksinë nuk do të vihet në dispozicion deri në mes të vitit të ardhshëm, përcjell lajmi.net.
Ndërkohë, shumë klube besojnë se një nga gjërat e para që ata mund të bëjnë është buxheti për të shpenzuar pak ose aspak para për transferime kur të hapet dritarja tjetër.
Premierliga ka thënë që mosmbyllja e këtij sezoni do t’i kushtojë 20 klubeve të saj më shumë se 1 miliard funte, por të luash sezonin e ardhshëm pas dyerve të mbyllura ka të ngjarë të ketë një ndikim edhe më dramatik në financat e klubeve. /Lajmi.net/
