Real Madridi njihet për qëndrimin e qetë gjatë afatit kalimtar të dimrit, por këtë sezon mund të jetë ndryshe. Janë tre lojtarë që mund të largohen nga klubi në janar. Organika e “Los Blankos” është shumë e pasur me futbollistë, edhe përkundër lëndimeve të shumta në repartin mbrojtës. Megjithatë, konkurrenca në repartet tjera ka bërë që disa lojtarë të mendojnë seriozisht largimin gjatë afatit kalimtar dimëror.
Arda Guler ka luftuar për kohën e lojës këtë sezon, pavarësisht se ka treguar cilësinë e tij sa herë që luan. Mesfushës së Real Madridit i ka munguar kreativiteti dhe prezantimi i Guler kundër Lille solli shkëndijën që i duhej skuadrës. Megjithatë, Carlo Ancelotti vazhdon ta anashkalojë atë. Ylli i ri mund të kërkojë një lëvizje huazimi në janar, me Fenerbahcen që tashmë ka shfaqur interesim.
Situata e Endrikut është e vështirë për t’u kuptuar. Braziliani i ri ka pasur një fillim të përzier në Real Madrid, duke impresionuar me golat e hershëm në La Liga dhe Ligën e Kampionëve, por duke luftuar në fillimin e tij të parë kundër Lille. Një lëvizje huazimi në afatin kalimtar të janarit mund të jetë në kartat për adoleshentin brazilian.
Dani Seballos duket se ka më shumë gjasa të largohet këtë dimër. Pas nënshkrimit të një vazhdimi të kontratës vitin e kaluar, mesfushorit iu premtua më shumë kohë për lojë. Megjithatë, ai ka bërë vetëm pesë ndeshje si titullar në ligë dhe nuk ka përfunduar asnjë ndeshje të plotë këtë sezon. Real Betis dhe Milani thuhet se janë të interesuar për Seballosin dhe shitja e tij mund të ndihmojë Real Madridin të mbledhë fonde për nënshkrime të reja gjatë verës.
