Pamjet nga Indonezia janë të tmerrshme. Ajo që ndodhi në stadiumin Kanjuruhan në Malang mes skuadrave të Arema dhe Persebaya, i la të gjithë të tronditur. Fillimisht pushtimi i çmendur i fushës nga tifozët vendas të zemëruar për humbjen dhe më pas reagimi i dhunshëm i forcave të rendit me bomba tymuese, për të lëshuar një ferr të vërtetë.
Të gjithë kërkuan një rrugë shpëtimi me panikun që dominonte, dhe shumë mbetën në tokë të shtangur edhe nga tymi i gazit lotsjellës pa ndjenja dhe të shkelur nga ata që u përpoqën me dëshpërim të shpëtonin jetën e tyre duke u ngjitur mbi gardhe. Numri është i qartë, me 174 të vdekur dhe afro 200 të plagosur, shumë prej tyre në gjendje të rëndë. Fatkeqësisht, kjo shifër përditësohet vazhdimisht dhe është e destinuar të rritet, me spitalet në vështirësi të mëdha. Lajmet që vijnë nga Indonezia janë vërtet dramatike dhe flasin gjithashtu për shumë viktima në moshë shumë të re.
Sipas të dhënave të përpiluara nga Ministria për Fuqizimin e Grave dhe Mbrojtjen e Fëmijëve (KemenPPA), 17 fëmijë vdiqën në tragjedinë e stadiumit Kanjuruhan në Malang. Shumica e këtyre fansave të vegjël ishin të moshës nga 12 deri në 17 vjeç. Janë edhe 7 fëmijë që kanë dëmtime të rënda dhe në këto orë iu nënshtrohen të gjitha trajtimet e nevojshme, edhe në planin psikologjik duke pasur parasysh brutalitetin e asaj që ka ndodhur.
