Man. Junajted ka vendosur se kush do të jetë zgjedhja e parë për të zëvendësuar Erik Ten Hag sipas raportimeve të fundit. Presioni mbi supet e teknikut holandez po vazhdon të rritet sidomos pas barazimit ndaj Aston Villës në vikend, me klubin që tashmë po kalon fillimin më të dobët të sezonit në Ligën Premier që nga viti 1992.
Ndonëse rezultatet nuk përkojnë aspak me atë që deklaron Ten Hag, ai prapë se prapë mbetet i sigurt për raportet e mira me bordin e klubit.
Si do që të jetë, gazetari Samuel Luckhurst ka raportuar se hierarkia ka vendosur për Thomas Tushel si kandidatin e tyre të preferuar për të marrë drejtimin e skuadrës në rast shkarkimi të Ten Hag.
‘Djajtë e Kuq’ kishin mbajtur bisedime me Tushellin edhe gjatë verës së kaluar pas largimit të tij nga Bajern Munihu, por ishte thënë se ai ka refuzuar këtë rol për shkak të shqetësimeve për fuqinë e tij brenda klubit.
Man. Junajtedi më pas eventualisht u pajtua për një kontratë të re me Ten Hag, e cila u nënshkrua pasi ai e udhëhoqi klubin drejt triumfit në FA Cup.
Në rast se Tushel merr drejtimin e Man. Junajtedit, atëherë kjo nuk do të ishte eksperienca e tij e parë në Angli pasi paraprakisht ai kishte drejtuar Çellsin, klub me të cilin fitoi Ligën e Kampionëve.
