Liverpulli është duke luftuar në të gjitha frontet për trofe dhe trajneri Arne Slot e di se kanë nevojë për përforcime në afatin kalimtar të janarit. Mesfushori spanjoll Martin Zubimendi është objektivi kryesor i “The Reds”, megjithatë nuk është i lehtë transferimi i tij.
Liverpulli raportohet se po shqyrton një lëvizje për mesfushorin e Torinos, Samuele Riçi, si një alternativë ndaj Martin Zubimendit të Real Sosiedad, sipas “Goal”.
Megjithatë, sigurimi i nënshkrimit të Riçit mund të jetë sfidues, pasi Torino po kërkon 50 milionë funte për mesfushorin. Riçi ka kontratë vetëm deri në vitin 2026, ekziston mundësia që Torino të mund të ulë çmimin e kërkuar në të ardhmen e afërt, duke e bërë 22-vjeçarin më të përballueshëm për Liverpoolin.
Klubi thuhet se po monitoron nga afër Riçi dhe një vendim mund të merret në javët e ardhshme, ndërsa ata vazhdojnë kërkimin e tyre për përforcime në mesfushë përpara afatit kalimtar të janarit.
