Dukej si një shaka, nga ai lloji që vjen në mes të një ngjarjeje, për të rritur ekspozimin e sponsorit…
Disa ditë më parë, Francesco Totti tha në një event në një shtëpi bastesh, për të cilën ai është ambasador, se mund të luaj përsëri në Serinë A. Do të mjaftonin nja dy muaj stërvitje për të luajtur disa minuta, se kam marrë ende ftesa.
U mendua se ishte një shaka, por ish-lojtari 48-vjeçar tha sërish se ideja ishte serioze, dhe nuk bënte shaka. “Për Serinë A, ne po flasim për të paktën dy muaj stërvitje, ky është afati përfundimtar”,- tha Totti për Corriere dello Sport në skenën e Miami të World Legends Padel Tour, duke konfirmuar dëshirën e tij për t’u rikthyer në fushë tetë vjet më vonë pas lamtumirës.
“Jo, nuk është shaka. E kam marrë seriozisht çështjen, do të shohim.” Dhe a keni një ekip në mendje? “Po, ka një ose dy ekipe. Tani le të shohim se çfarë më thotë koka, por veçanërisht trupi. Koka e di tashmë përgjigjen, trupi do ta shohë. Kush e di se çfarë do të sjellë viti i ardhshëm?”,- tha ai.
