Sipas njoftimit të Gjilanit, futbollisti nuk ka shfaqur ndonjë simptomë, dhe është izoluar në shtëpi.
Këto testime janë bërë para ndeshjes së Gjilanit në Ligën e Evropës ndaj Tre Pennes.
Njoftimi i SC Gjilanit:
Sport Club “Gjilani” informon gjithë opinionin publik se pas ritestimeve ditën e sotme në testin për Covid-19, pozitiv kanë rezultuar një futbollist dhe një anëtarë i shtabit teknik në skuadrën e Gjilanit.
Gjendja e pjestarëve të klubit është mjaftë stabile, ku ata nuk kanë ndonjë simptomë të virusit Covid-19 dhe janë izoluar në shtëpitë e tyre, kurse ditëve në vijim pritet ritestimi i tyre.
Pjesa tjetër e skuadrës e gjitha ka rezultuar negativ në testimin e fundit, ku edhe janë karantinuar në një hotel afër qytetit të Gjlanit, deri në zhvillimin e takimit kundër Tre Pennes në San Marino.
Sport Club “Gjilani” falemnderon Institutin Kombëtar të shëndetësisë Publike për mundësinë e ritestimeve dhe gjitha mediumet për bashkëpunimin e ofruar.
