Shefi ekzekutiv i skuadrës së Inter, Giuseppe Marotta, ka folur lidhur me merkaton e skuadrës ‘Zikaltër’.
Mes shumë emrave që lidhen me kalimin e mundshëm tek Inter, është edhe ai i Nicolo Zaniolo që lidhet me skuadrën.
Duke folur lidhur me këtë, Marotta ka hedhur poshtë mundësinë që skuadra të bëjë lëvizje drejt italianit.
“Është në mesin e lojtarëve më atraktiv në ligë, por ne nuk kemi kontaktuar Romën, dhe me gjasë nuk do ta bëjmë”, ka thënë Marotta lidhur me Zaniolo, transmeton lajmi.net.
Zaniolo ka qenë më parë pjesë e skuadrës së Inter, para se të përfshihej në një marrëveshje që transferonte Nainggolan tek Inter.
Duket se ‘Zikaltrit’ nuk e kanë prioritet rikthimin e Nicolo. /Lajmi.net/
