Fenerbahçe si duket nuk mundet pa Vedat Muriqin. Pa yllin kosovar në terren, skuadra nga “Shukru Saraçogllu” ndodhej në disavantazh përballë Kajserispor, ndërsa ndërsa për këtë kontribuoi edhe mesfushori i tyre, Ozxhan Tufan, i cili u ndëshkua me të kuq vetëm pas 10 minutave lojë, njofton “infOSport.mk”.

Epërsinë numerike në fushën e blertë Kajserispor e shfrytëzoi në minutën e 59-të, kur Mensah shënoi në rrjetën e Bajëndër, ndërsa kjo bëri që të reagojnë nga bankina e Fenerbahçes, duke inkuadruar në lojë bomberin shqiptarë, Vedat Muriqi, i cili takimin e sotëm e nisi nga bankina.
Muriqi në lojë u inkuadrua në minutën e 63-të, ndërsa në të 87-tën arriti që të shënojë nga pika e bardhë për rezultat 1:1.
Ky gol ju dha krahë futbollistëve vendas, të cilët vetëm një minutë më pas me anë të Luis Gustavos shënuan edhe golin e dytë, duke arritur në këtë mënyrë deri tek fitorja e 12-të sezonale.
Ndryshe për Vedat Muriqin, ishte ky goli i 14-të sezonal në 26 ndeshje. Ky gol është një paralajmërim i mirë për vetë Muriqin, por edhe skuadrën e Fenerbahçes, që në mesjavë do të zhvillojë ndeshjen gjysmëfinale të Kupës së Turqisë kundër Trabzonsporit. Këta të fundit sonte në ndeshjen e vlefshme të javës së 27-të si mysafir mundën Goztepen me shifrat 3:1, duke vazhduar të udhëheqin renditjen tabelare në Superligën e Turqisë me 56 pikë, 3 më shumë se Bashakshehir, që ka edhe një ndeshje më pak.
https://twitter.com/Burakk_gul/status/1271533880219230210

