Trajneri i Olympik Marsejit, Roberto de Zerbi, nuk e përjashton mundësinë e nënshkrimit me Paul Pogba-n. Mesfushori francez tashmë është një lojtar i lirë, pasi pak ditë më parë ndërpreu kontratën me Juventusin.
Pogba mund të rikthehet në fushën e blertë pasi dënimi i tij për doping nga katër vjet është ulur në 18 muaj. Pogba është lidhur me transferimin tek klubi francez, Olimpik Marsej.
“Më pëlqejnë lojtarët e fortë, por për momentin nuk ka asgjë”, ka thënë De Zerbi për mediat franceze.
