Murinjo planifikon të kthehet në Angli, por jo te ekipet e kreut në Premier Ligë

Hoze Mourinjo ka konfirmuar se ai planifikon të kthehet në Angli pasi të përfundojë koha e tij në Fenerbahçe dhe ka emëruar llojin e klubit që dëshiron të menaxhojë.

Mourinjo është aktualisht në sezonin e tij të parë si trajner i Fenerbahçes, pasi ka nënshkruar një kontratë dyvjeçare me klubin turk në verë. Forma e tyre evropiane ka qenë e fortë, me barazimin 1-1 kundër Man. Junajtedit të enjten që do të thotë se nënkampionët turq të sezonit të kaluar kanë mbledhur pesë pikë nga tre ndeshjet e tyre në fazën e grupeve të Ligës së Evropës deri më tani.

Në kampionatin turk, Fenerbahçe ndodhet në vendin e katërt dhe është tetë pikë prapa liderit Gallatasaraj, por ka një ndeshje më pak të zhvilluar. Duke folur pas barazimit me Man. Junajtedin, Murinjo ka zbuluar qëllimin e tij për t’u rikthyer në futbollin anglez ‘për dy vjet’ – por jo në një klub që mund të prisni.

Pas një interviste të zjarrtë pas ndeshjes që pa menaxherin portugez të kritikonte gjyqtarin pas përjashtimit, Murinjo ishte i qartë.

“Kur largohem nga Fenerbahce, shkoj në një klub që nuk luan garat e UEFA-s. Pra, nëse ndonjë klub në Angli në fund të tabelës ka nevojë për një trajner në dy vjet, unë jam gati të shkoj. Dhe nuk do të them asgjë më shumë për këtë”, ka thënë Murinjo.

Leave a Reply

Your email address will not be published.

Close