Lëvizje në repartin e menaxhmentit sportiv të Voska Sport. Artan Borova nuk është më drejtor i ekipit shqiptar nga Ohri. Ndarja ka ardhur pas fundit të gjysmësezonit vjeshtor në elitën e futbollit të Maqedonisë së Veriut, ku Voska Sport luan si debutuese. Lajmin e ka komunikuar vetë skuadra ohridase, ku thuhet se palët janë ndarë me konsesus dhe ka qenë vetë Borova ai që ka kërkuar largimin.
Njoftimi i FC Voska Sport:
“Të dashur tifozë,
Në koordinim të dyanshëm, klubi e ka pranuar kërkesën e drejtorit sportiv, Artan Borova, i cili pas dy viteve e gjysmë ka vendosur të largohet nga klubi ynë.
Me këtë rast F.C Voska Sport falemenderon Borovën për kontributin e dhënë në periudhën që ishte pjesë e jona.
Familja “bardheblu” i uron shëndet dhe gjitha të mirat në të ardhmen”.
