Skuadra italiane e Romës ka bërë të ditur se nuk do të udhëtojë drejt Spanjës për ndeshjen me Sevillan.
Lajmi është bërë i ditur në faqen zyrtare të Romës në Twitter.
“Roma nuk do të udhëtojë për në Spanjë për ndeshjen e Ligës së Evropës kundër Sevillas, për shkak të mungesës së autorizimit nga autoritetet lokale. Më shumë detaje do të njoftohen nga UEFA”, thuhet në komunikatën e Romës.
Ndeshja mes Sevillas dhe Romës ishte paraparë të luhej ditën e enjte.
